Sabizeze bya Sabiyogera By Muyango

Sabizeze, Sabizeze, Sabizeze, bya Sabiyogera
Mwana w’inkondo n’inkongoro
Mwana w’ibisage n’ibikinga
Ngwino witabe abambari ba so baje.

Mbacire umugani
Umugani wa Sabizeze
Sabizeze bya Sabiyogera

Sabiyogera uwo yari umwami
Ashaka umugore abura imbyaro
Aramusenda.

Amuremera inka amuhaye abagaragu
Bajya ku mwubakira iyo giterwa inkingi
Iyo mw’ishyamba.

Ajyana inda batabizi
Yayibyayemo umuhungu
Amwita Sabizeze bya Sabiyogera.

Kera kabaye iyo nkuru yaje kugera i bwami
Ubwo Sabiyogera zabukuru
Yari imaze kumurembya.

Ati ni mugende munzanire uwo mwana
Burya Imana ikora ibyayo
Wabona impaye uwo nzaraga iyi ngoma.

Baragiye no kwa nyina wa Sabizeze
Bati erega mubyeyi
Tuje gutwara wa muhungu wawe.

Ati Sabizeze ntawe uhari
Mwihangane nigire ahirengeye
Muhamagare araza.

Sabizeze, Sabizeze, Sabizeze, bya Sabiyogera
Mwana w’inkondo n’inkongoro
Mwana w’ibisage n’ibikinga
Ngwino witabe abambari ba so baje.

Sabizeze, Sabizeze, Sabizeze, bya Sabiyogera
Mwana w’inkondo n’inkongoro
Mwana w’ibisage n’ibikinga
Ngwino witabe abambari ba so baje.

Ni mu muyaga sinumva
Urahuha sinumva
Baradahira sinumva
Barashoza sinumva
Mureke nuhire inyana
Kandi nirabe ingondo
Sinanga ndaza.

Sabizeze ubwo araza
Abonana n’ingabo za se
Cyo sezera tukujyane
Umwami aragushaka.

Reka ntaho munjyana
Ntaye urungano rwanjye
Na mama wambyaye
Nsize muri iri shyamba.

Umwami yarariraye
Bucya ageze mu marembo
Kwa nyina wa Sabizeze
Ati arihe umuhungu wawe.

Yazindukanye n’ingabo ze
Bagiye kumasha
Mwihangane gatoya
Mbahamagare baraza.

Sabizeze, Sabizeze, Sabizeze, bya Sabiyogera
Mwana w’inkondo n’inkongoro
Mwana w’ibisage n’ibikinga
Ngwino witabe abambari ba so baje.

Sabizeze, Sabizeze, Sabizeze, bya Sabiyogera
Mwana w’inkondo n’inkongoro
Mwana w’ibisage n’ibikinga
Ngwino witabe abambari ba so baje.

Ni mu muyaga sinumva
Urahuha sinumva
Baradahira sinumva
Barashoza sinumva
Mureke nuhire inyana
Kandi nirabe ingondo
Sinanga ndaza.

Sabizeze ubwo yaraje
Ikondera ritsikimba
Ingoma zinihira
Impundu zivuga urwunge.

Umwami yaramubonye
Ubwuzu buramutaha
Ati ngwino uwo ingoma igomba
Uyime biragukwiye.

Uzane n’ingabo zawe
Na nyoko wakubyaye
Zana ingobyi mubaheke
Hehe n’iri shyamba.

Sabizeze, Sabizeze, Sabizeze, bya Sabiyogera
Mwana w’inkondo n’inkongoro
Mwana w’ibisage n’ibikinga
Ngwino witabe abambari ba so baje.

Ni mu muyaga sinumva
Urahuha sinumva
Baradahira sinumva
Barashoza sinumva
Mureke nuhire inyana
Kandi nirabe ingondo
Sinanga ndaza.

Sabizeze, Sabizeze, Sabizeze, bya Sabiyogera
Mwana w’inkondo n’inkongoro
Mwana w’ibisage n’ibikinga
Ngwino witabe abambari ba so baje.

Read full

Mama Munyana By Sebanani André

Mama Munyana ndananiwe kukwibagirwa
Ibuka cyane uko nagutumagaho Munyana
Ko ngusuhuza ngahera hanze
Ariko wowe ukihitiramo kuntindira

Iyo nyuze iwanyu sinibuza kurunguruka
Unkubita amaso ugahita wikingirana
Ubiterwa n'iki ni kuki umbabaza
Ukaba ari jyewe ushyaka kwigirizaho nkana

Erega shenge ndi kimwe na Yohani
Lawuriyani cyangwa se Felesiyani
Nanjye ndi umugenzi
Nk'uko na bo ngo bari baje bigendera
Bigendera

Erega shenge ndi kimwe na Yohani
Lawuriyani cyangwa se Felesiyani
Nanjye ndi umugenzi
Nk'uko na bo ngo bari baje bigendera
Bigendera

Mama Munyana njya nicara ngatekereza
Nibaza ibyo umfinda ariko sinsobanukirwe
Ko umbona ugahunga umenya ariko ugukunda
Jya umenya guheza ubivangemo n'ikinyabupfura

Ndarora ngasanga ibyo ngibyo ari urwiyerurutso
Undesarese nze nzi ko uri miseke igoroye
Oya ndakuzi nkingurira nanjye
Warabyiyemeje ubungubu wararwiyambitse

Erega shenge ndi kimwe na Yohani
Lawuriyani cyangwa se Felesiyani
Nanjye ndi umugenzi
Nk'uko na bo ngo bari baje bigendera
Bigendera

Erega shenge ndi kimwe na Yohani
Lawuriyani cyangwa se Felesiyani
Nanjye ndi umugenzi
Nk'uko na bo ngo bari baje bigendera
Bigendera

Bigendera

Uri umubeshyi Munyana we aka malayika
Wigira umwere umenye ko burya azi kuvuga
Ni umwana yego ariko arareba
Nta cyo ajya ampishya kuko azi ko jye nkwikundira

Baraguhara ukwumva ko isi uyifatiye
Mbaza mba reba no mu kujyenda burya mbandora
Nkingurira nanjye nta cyo ukiramira
Iyo ubyibuka cyera uba uri kumwe na se wa Munyana

Erega shenge ndi kimwe na Yohani
Lawuriyani cyangwa se Felesiyani
Nanjye ndi umugenzi
Nk'uko na bo ngo bari baje bigendera
Bigendera

Erega shenge ndi kimwe na Yohani
Lawuriyani cyangwa se Felesiyani
Nanjye ndi umugenzi
Nk'uko na bo ngo bari baje bigendera
Bigendera

Bigendera
Bigendera
Bigendera

[Umuhanzi Sebanani André]
[1952 - 1994]

Read full

Sindagira unsange By Ntibahanana

Mugabo wanjye jye mugabo nkunda
Ngarukira sinagusenze
Disi nagusanze nisanga
Kuva mu bwangavu no mu bukumi bwanjye
None aho mbereye ngeri y'urugo rwawe
Ndandahagara nkagandurwa n'abagenzi
Nditsahamura nkikirizwa n'abahetsi
Nahindukira ngo umfate mu mugongo
Nkagangahurwa n'ubwigunge
Naragiwe n'ubwigenge bwawe

Sindagira unsange dusabane
Nka kera utaransuhuka
Kera nkikiri rudasumbwa
Ukinsimbagiza abasizi bakansingiza

Nakuganye naragukunze
Reka kwiheza mu rwawe
Ngo ushikurwe n'amahanga
Reka kurarikira iby'isi
Bituma udashyigikira urwo washinze
Garura umutima ku byawe mugenzi
Dore inka zirakamwa ibigega birahunitse
Imice yabuze kibeyura inkangaza rukabugira
Inzara ihari ni imwe
Ni intimba y'umutima ugukunda

Sindagira unsange dusabane
Nka kera utaransuhuka
Kera nkikiri rudasumbwa
Ukinsimbagiza abasizi bakansingiza

Erega iwacu ni ahantu
Sinagishijwe na Ruzagayura
Sinahunze amahoro y'akarande
N'impamvu y'uguhoza si yo yanteruye
Sindi ikinege sindi n'ikinegu
Sindi impunzi sindi n'imfubyi
Sindi igicibwa sindi n'incike
Naje mpurujwe n'uruga...
Urugamba rw'urukundo rwo kubaka urwacu

Sindagira unsange dusabane
Nka kera utaransuhuka
Kera nkikiri rudasumbwa
Ukinsimbagiza abasizi bakansingiza

Read full